sru:version: 1.2; sru:query: fcs.rf="mecmua.2_135"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_135"; sru:baseUrl: ; fcs:returnedRecords: 1; fcs:duration: PT0.024S PT0.028S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_135</phrase></query>)];

Qan bedende şehā ġıdādan olur
Baġruñ içre varur kemāli bulur

Köbüginden olur bunuñ ṣafrā
Ḥālī bālġam [!] şişli dür sevdā

Bārid ü raṭb olur bilüñ bālġam [!]
Ṣu mizācın ṭutar bu hem her dem

Bālġamī [!] olana nevāle müdām
Ḥār u yābis gerek şarāb [u] ṭaʿām

Qış mizācın ṭutar beden ṣovudur
Issı ṭutmaq mizācı gey eyüdür

Biri sevdā‑durur bu erkānuñ
Berd ü yābis ṭabīʿatı anuñ

Māliḫūlyā olur buḫārından
ʿAql nāqıṣ ėder bu varından

Bedeni beñzi hem siyāh eyler
Ādemüñ işin āh vāh eyler

Faṣl‑i güz olıcaq gerek perhīz
Görmeyem dėr‑iseñ maraż hergiz

Bedenüñ aṣlını beyān ėtdüm
Ḥükemā remzini ʿiyān ėtdüm

maʿrifetü l‑insān

Bu tenüñ aṣlı çün ʿanāṣırdan
Qadrini bil ʿaceb cevāhirden

Saña ḫiẕmet ėder bu dört erkān
Bedenüñ qalʿedür bu cān sulṭān

ʿĀlemüñ zübdesi vü eşrefi sen
Sensin murād olan ancaq bundan

Ne‑ki ʿālemde var qamu sende
Cümle eşyā şehā saña bende

qawlahū taʿālā wa‑fī l‑ʿarḍi [Arabic text in preparation]

Maẓhar‑i ḥaq‑durur benī Ādem
Eşref‑i ḫalq‑dur der‑īn ʿālem

ʿĀrıż olursa bir maraż tende
Defʿine çāre qıl anuñ sen de

Cehd ėdüp ṣıḥḥat ü ṣafā birle
Āşinā ola gör ḫudā birle

Bedenüñ eylesün ʿibādet‑i ḥaqq
Aña lāzım‑durur iṭāʿat‑i ḥaqq